1906 ҫулхи утӑ уйӑхĕн 1-мĕшĕнче Ҫирĕклĕ ялĕнче ҫуралнӑ. Шупашкарти педагогика техникумĕнче, Ленинградри халӑх хуҫалӑх институтĕнче, Н. К. Крупская ячĕллĕ академире, В. М. Бехтерев ячĕллĕ институтӑн аспирантуринче вĕреннĕ. Ҫĕрпӳри педтехникумра ĕҫленĕ. Тăван ҫĕр-шывăн Аслă вăрçине хутшăннă. Вӑрҫӑ хыҫҫӑн пĕтĕм пурнӑҫне вӑрман ĕҫĕпе ҫыхӑнтарнӑ, чи паллӑ тĕпчевҫисенчен пĕри пулса тӑнӑ. Вӑрман хуҫалӑхĕн экономикинче паллӑ ӑсчах, профессор, кандидат тата доктор диссертацийĕсене хӳтĕленĕ. 200 ытла наука ĕҫĕ ҫырнӑ. Вӑрман ĕҫĕ ҫинчен ҫырнӑ кĕнекесем пичетленĕ: «Земля лесная», «Лесные ресурсы сегодня и завтра», «Лес и древесина в будущем» тата ы.т. Раҫҫей наукин тава тивĕҫлĕ ĕҫченĕ. СССР Госпланӗн вӑрман ресурсĕсен секторне ертсе пынӑ. 1974 ҫулта Мускавра вилнĕ.
1920-30 ҫулсенче сӑввисемпе фельетонĕсем пичетленнĕ. 1931 ҫулта «Пирĕн сасӑ» сӑӑввисен пуххи пичетленнĕ. Шетмĕпе Ункӑ тата Ҫавал тӑрӑхĕсенчи ялсенче фольклор материалĕсем пухнӑ. Этнографипе кӑсӑкланнӑ. Ҫав тĕллевпех Ҫĕпĕрти чӑваш ялĕсенче пулнӑ.

Пурнӑҫӗпе пултарулӑхӗ ҫинчен:

Листопад Ю. Вӑл вӑрман наукине ҫул хывнӑ / Ю. Листопад // Хресчен сасси. – 1993. – 28 ҫу.
Листопад Ю. Халӑхран тухнӑ ӑсчах / Ю. Листопад // Ял пурнӑҫӗ (Красноармейски р–нĕ). – 1983. – 2 утӑ.
Листопад Ю. Чыслӑн паллӑ тӑвасчӗ / Ю. Листопад // Ял пурнӑҫӗ (Красноармейски р–нĕ). – 2006. – 5 кӑрлач.

* * *

Медяков М. Н. Васильев Прокопий Васильевич / М. Н. Медяков // Чувашская энциклопедия. – Чебоксары, 2006. – Т. 1: А-Е. – С. 284.
Тихонов П. Т. Прокопий Васильевич Васильев. Ведущий экономист леса / П. Т. Тихонов, В. Г. Харитонова // Ученые. – Чебоксары, 2006. – С. 41-50. – (Б-ка Президента Чуваш. Респ.; т. 4).