«Ятлă çынна ял савать»
сочиненисен районти конкурсне иртермелли йĕрке.

    1. «Ятлă çынна ял савать» сочиненисен районти конкурсне (малалла – Конкурс) Красноармейскинчи тĕп библиотека Чӑваш наци конгресĕн Красноармейски районĕнчи уйрӑмĕн ĕҫ планĕпе килĕшӳллĕн ирттерет.
2. Конкурсăн тĕп тĕллевĕсемпе задачисем«Ятлă çынна ял савать» сочиненисен районти конкурсне Чăваш Республикинче 2016 ҫулта паллӑ тӑвакан Ĕç çынни çулталăкне халалласа иртереççĕ. Унăн тĕп тĕллевĕсем:,br>- паянхи обществӑра ӗҫе тата ӗҫ ҫыннине хисеплессине ҫирӗплетесси;
- Трак тӑрӑхӗнчи ӗс геройӗсене, ӗҫ династийӗсене тупса палӑртасси;
- ҫитӗнекен ӑрушӑн рабочи профессийӗн ят-сумне палӑрмаллах ӳстересси;
- пултаруллӑ ҫынсене тупса палӑртса, малалла аталантарасси.
3. Конкурса йĕркелекенсем- Красноармейскинчи тĕп библиотекӑпа Чӑваш наци конгресĕн Красноармейски районĕнчи уйрӑмĕ йĕркелесе ирттереҫҫĕ
- Конкурс ҫинчен информацине райхаҫатра пичетлеҫҫĕ;
- Конкурс материалĕсене йышӑнаҫҫĕ;
Конкурс комиссийĕн ĕҫне йĕркелеҫҫĕ.
4. Конкурса хутшăнакансемКонкурса Красноармейски районĕнчи шкулсенчи 12 çултан аслăрах вĕренекенсемпе районта пурăнакан çынсем хутшăнма пултараççĕ
.Конкурса хутшӑнакансен ушкӑнĕсем:
• 6-7 классем;
• 8-9 классем;
• 10-11 классем;
• ҫитĕннĕ ҫынсем

5.Конкурса хутшăнас йĕрке
• Конкурса хутшăнас текенсен ĕçсене 2016-мĕш çулхи ака уйăхĕн 18-мĕшĕччен тӑратмалла
• Конкурса тăратнă ĕçсем çак йĕркесене пăхăнмалла:
• конкурс темине уçса памалла;
• сочиненисене шурă 4А форматлă хут çине компьютерпа Times New Roman шрифтпа (14 пт.) чăвашла çырмалла;

страницăсен шучĕ – 3 листа, йĕркесен хушшинче пĕр интервал пулмалла; 

 сочиненисен титул листи пулмалла, унта çаксене кăтартмалла: ĕç ячĕ, хушамат, ят, ашшĕ ячĕ; миçе çулта; класс, вĕренÿ çурчĕн ячĕ, телефон.

Ĕçсене хакламалли виçесем: сочиненисене конкурс условийĕсене пăхăнса йĕркелени (4.2. п.), темăна анлăн уçса пани;

ĕçе тĕрĕс йĕркелени.Сочиненисене икӗ форматпа йышӑнаҫҫӗ: - пичетлесе е алӑпа ҫырса районти тӗп библиотекӑра йышӑнаҫҫӗ (429620, Чӑваш Республики, Красноармейски сали, Васильев урамӗ, 2 –мӗш ҫурт; - электрон почтипе ҫак адреспа library@signasoftware.com йышăнаççĕ.

6. Конкурс пĕтĕмлетĕвĕ
• Пĕтĕмлетÿсемпе çӗнтерÿçĕсене чысласси Районти культура ҫуртӗнче ака уйӑхӗн 25 – мĕшĕнче иртет.
• Конкурса тăратнă ĕçсене жюри членĕсем хаклаççĕ:
1. Данилов Виктор Михайлович, «Ял пурнӑҫĕ» хаҫатӑн ял хуҫалӑх, промышленность тата строительство пай редакторĕ;
2. Рудникова Валентина Васильевна, ҫыравҫӑ;
3. Тихонова Валентина Аркадьевна, районти историпе краеведени музейӑн ĕҫченĕ;
4. Гурьева Светлана Аверкиевна, тĕп библиотека ĕҫченĕ.
• Çĕнтерÿçĕсене дипломсемпе, ыттисене - тав ҫырӑвĕсемпе чыслаççĕ.
• Конкурса тăратнă ĕçсене рецензилемеççĕ, каялла тавăрса памаççĕ.
• Çĕнтерÿçĕсен ĕçĕсене «Ял пурнӑҫĕ» хаҫатра пичетлеҫҫĕ.Телефон для справок: 2-22-63 – центральная библиотекаАдрес: 429620, Чувашская Республика, с. Красноармейское, ул. Васильева,2