Пуш уйăхĕн 26 мĕшĕнче В.В.Маяковский ячĕпе хисепленсе тăракан Шупашкарти тĕп библиотекăра «Библиотеки в информационной структуре региона» пĕтĕмлетÿ совещанийĕ иртрĕ. Унта республикăри районсемпе хуласенчи библиотекăсен директăрĕсемпе инноваципе методика пайĕн заведующийĕсем пухăнчĕç. Наци библиотекин директорĕ Старикова С.М. муниципаллă библиотекăсен 2007 çулта туса ирттернĕ ĕçне пĕтĕмлетсе пачĕ.

    Вырăс патшалăх музейĕ уçăлнăрапа 110 çул çитрĕ. Тĕп библиотекăн вулав залĕнче уява ятарласа «Илемлĕхпе пĕрле» ятлă кĕнеке выставки хатĕрленĕ. 2-мĕш вăтам шкул вĕренекенĕсене музей тăрăх видеоэкскурсие чĕннĕ. Вĕсене «Вырăс патшалăх музейĕ» ятлă видеофильм кăтартнă. Ачасем музейăн чаплă залĕсене курчĕç, унăн экспозицийĕсемпе паллашрĕç.