Вилĕмсĕр поэмăна халалласа районти тĕп библиотекăра «Нарспи манăн пурнăçра» литература каçĕ иртрĕ. «Нарспи - чăваш литературин палăкĕ» кĕнеке куравне йĕркелерĕç. Н.Николаева культура ĕçченĕ Нарспи сăнарне сăнласа кăтартрĕ, поэмăри сыпăксене вуларĕ. С.Гурьевапа Л.Михайлова библиотекарьсем каçа йĕркелесе пычĕç.
Е.Железина «Нарспи» поэмăна шкула кайичченехвуласа тухни, В.Антонова пĕрремĕш хут «нарспи» спектакле курма Шупашкара кайни, Е.Григорьева Нарспи рольне шкул театрĕнче выляни çинчен аса илчĕç.