Кăçал утă уйăхĕн 21-мĕшĕнче пирĕн районтан тухнă пĕртен-пĕр Совет Союзĕн Геройĕ Владимир Васильевич Васильев çуралнăранпа 100 çул çитет. Тăван çĕршыв ирĕклĕхĕшĕн пурнăçне шеллемесĕр çапăçса пуçне хунă ентеш-паттăра халалласа районти тĕп библиотека шкул ачисем валли викторина ирттерет.

1. В. Васильев хăçан тата ăçта çуралнă ?
2. Ентеш комсомол путевкипе ǎçта кайнǎ?
3. Фронта хǎçан тухса кайнǎ?
4. Совет Союзĕн Геройĕ хисеплĕ ята хăçан тата мĕншĕн тивĕçнĕ?
5. В. Васильева ăçта пытарнă?
6. Героя асăнса ăçта тата хăçан палăк лартнă? Авторĕ?
7. В. Васильевăн çар званийĕ?
8. «Манас çук сана, Васильев!» юрă авторĕсем?
9. Герой пулма питĕ йывăр!
Чăн-чăн геройла хăть пуç хур…
Васильев – Герой! Лăпкă çывăр.
Манмастпăр сана. Эсĕ – пур!
Çак сăвă йĕркисен авторĕ?

    Çамрăк тусăмăрсем! Хуравсене çу уйăхĕн 1-мĕшĕччен районти тĕп библиотекăра йышăнаççĕ. Çĕнтерÿçĕсене хаклă парнесем кĕтеççĕ. Викторинăна хастар хутшăнасса шанатпăр.