

Тăван çĕр-шыв - тăван килтен пуçланать,- теҫҫӗ. Пӗчӗк урасемпе такăрлатнă сукмакран, йывăç – курăкран, пусланать те ӗнтӗ пирӗн юратнă ялăм.
Упи ялĕ – ҫак тӑрӑхри ҫынсемшӗн пуринчен те хакли, пахи, мӑнаҫли. Кашни ҫыннӑн хӑйӗн тӑван кӗтесӗ ҫинчен пӗлмелле. Ҫавӑнпа та Чăваш чĕлхи эрнинче Упи ял вулавӑшӗнче «Тӑван ен, тӑван кӗтес» ятпа тĕрлĕрен мероприяти иртĕ. Çак кунсенче вулавӑша ҫӳрекенсемпе Красноармейски районӗ ҫинчен пичетлесе кӑларнӑ энциклопеди ҫинчен калаҫрӑмӑр.
Энциклопедире кашни ял ҫинчен, ялти урамсен авалхи ячӗсене, хальхи ячĕсене, ялти паллă çынсем çинчен; поселенисен, вулавăшсен, шкулсен историне тĕплĕн çырса кӑтартни пурне те килӗшрӗ.
Тăван ҫӗр-шыва, тăван кĕтесе унăн çыннисем илем куреççĕ. Мĕн чухлĕ писатель, поэт, тĕпчевçĕ, врач, артист, спортсмен ҫуралса ӳснӗ ҫак тӑрӑхра, мӗн чухлӗн Ҫӗр-шывӑн Аслӑ вӑрҫине тухса кайнӑ? Ял вулавăшĕнче «Люди и судьбы», «Упи ен», «Энциклопедия Красноармейского района» кӗнекесене вуласа вӗсем ҫинчен тӗплӗнрех паллашма пулать.