Аслă Отечественнăй вăрçăра вут-хĕм юлашки хут ялкăшнăранпа, Мускав çийĕн Çĕнтерÿ салючĕ çиçсе çĕкленнĕренпе 65 çул çитсе пырать. Пирĕн çĕршыв хăйĕн кирек хăш çитĕнĕвĕпе çĕнтерĕвне паллă тунă чухне те 1941-1945 çулсенче Тăван çĕршыв ирĕклĕхĕпе никама парăнманлăхне хÿтĕлеме çапăçу хирне тухнă паттăрсене – тĕнче историйĕнче чи аслă çĕнтерÿсенчен пĕрне туптанă паттăрсене – ĕмĕр-ĕмĕр манма пултараймĕ.

Тăван çĕршывăн 1941-1945 çулсенчи Аслă вăрçинче çĕнтернин обществăпа политика тата истори пĕлтерĕшне шута илсе, Чăваш Енĕн чи лайăх ывăлĕсемпе хĕрĕсен паттăрла ĕçне тивĕçлипе хак парса Чăваш Республикин Президенчĕн Указĕ тухрĕ – «Тăван çĕршывăн 1941-1945 çулсенчи Аслă вăрçинче Çĕнтерÿ тунăранпа 65 çул çитнине уявлама хатĕрленесси тата ирттересси çинчен». Çавна май, никама та , нимĕне те манас мар тесе, вăрçă паттăрĕсене çĕнĕрен аса илсе, çĕре кĕнисене ырăпа асăнса, хамăр хушăра пурăнакансене сума суса тĕп библиотекăра тата ялти библиотекăсенче тĕрлĕ мероприятисем ирттерме хатĕрленеççĕ. Тĕп библиотекăра ятарлă виçĕ çуллăх «Пусть живые запомнят и пусть поколения знают » Программă хатĕрленĕ

    Библиотека ĕçченĕсем хăйсен пушă вăхăтне туллин те тухăçлă иртерме тăрăшаççĕ: час-часах вĕсем Шупашкара театăра кайса килеççĕ, спортпа та питĕ туслă.
    Çĕнĕ çултан вулав залĕнче чăваш тĕррине кăмăллакансен кружокĕ «Чăваш тĕрри» ĕçлеме пуçларĕ. Кружока ертсе пыраканĕ районти хĕрарăмсен совечĕн членĕ Мефодьева С.М. Тĕрлеме библиотека ĕçченĕсем те Гурьева С.А., Григорьева Н.П., Михайлова Л.Г. кăмăлласах çÿреççĕ.Григорьева Н.Л., Алексеева А.Г., Михайлова Н.Г. спортпа туслă, ернере икĕ хут спорт çуртне волейбол вылляма çÿреççĕ, районта иртерекен ăмăртусене хутшăнаççĕ.Николаева О.И., Михайлова Л.Г., Гурьева С.А. районти культурă çурчĕ çумĕнчи шейпинга çÿреççĕ.
    Библиотека ĕçченĕсем вулакансен пушă вăхăтне усăллă иртерес тесе нумай тăрăшаççĕ. Кашни ĕçчен хăйне çирĕплетсе панă клуба ĕçлеттерет: Гурьева С.А. «Таврапĕлÿçĕ», Никитина С.А. «Гармония», Григорьева Н.П. «Тимлĕх», Михайлова Л.Г. литературăпа музыка салонĕ, Григорьева Н.Л. «Çамрăк суйлавçă», Алексеева А.Г. право культурин шкулĕ.
    Çĕнĕ çултан Николаева О.И. библиотека хаçачĕ кăларма пуçларĕ.
    Пурте пĕрле пуçтарăнса çуралнă кунсене, уявсене хаваслăн ирттеретпĕр. Мероприятисене интереслĕ ирттерме библиотека ĕçченĕсен профкомĕ пулăшу парать.